Magna Hindistonda akkumulyator almashtirish texnologiyasiga 35 million dollar sarmoya kiritdi

Kanadaning avtomobil ehtiyot qismlari ishlab chiqaruvchi Magna kompaniyasi Hindistonning Yuma Energy startapiga 35 million dollar sarmoya kiritdi. Ushbu mablag‘ kompaniyaning mazkur loyihadagi ulushini oshirishga xizmat qiladi. Umumiy hisobda Magna kompaniyasining Yuma loyihasiga kiritgan sarmoyasi 87 million dollarga yetdi. Ushbu qadam Hindistonda elektr transport vositalari uchun akkumulyatorlarni tezkor almashtirish infratuzilmasini rivojlantirishga qaratilgan.