Sun'iy intellekt Reddit'dagi 400 ming post orqali Ozempic'ning yashirin nojo'ya ta'sirlarini aniqladi

Sun'iy intellekt yordamida Reddit ijtimoiy tarmog'idagi 400 mingga yaqin xabar tahlil qilindi. Ozempic, Wegovy, Mounjaro va Zepbound kabi dori vositalarini qabul qiluvchi foydalanuvchilar hayz siklining o'zgarishi, titroq, issiqlik ko'tarilishi va charchoq kabi kutilmagan simptomlar haqida yozishgan. Tadqiqotchilar bu muammolarga aynan dori vositalari sabab bo'lganini tasdiqlay olishmaydi. Biroq aniqlangan qonuniyatlar tibbiyotda e'tibordan chetda qolgan muhim signallarni ko'rsatib berishi mumkin.