Larri Ellison Oracle aksiyalarini 7,5 milliard dollarga sotishdan voz kechdi

Oracle kompaniyasi asoschisi Larri Ellison o‘ziga tegishli aksiyalarning yirik qismini sotish rejasini bekor qildi. Avvalroq, tadbirkor umumiy qiymati 7,5 milliard dollarga teng bo‘lgan 50 million dona aksiyani sotmoqchi ekanligini ma’lum qilgan edi. Biroq, kompaniya tomonidan taqdim etilgan yangi hisobotlarda ushbu bitim bekor qilingani tasdiqlandi. Hozircha Ellisonning ushbu qaroriga nima sabab bo‘lgani haqida aniq ma’lumot berilmagan.