REM uyqusi 83 xil kasallik xavfini kamaytirishi mumkin

95 mingdan ortiq ishtirokchi qatnashgan keng ko‘lamli tadqiqot uyqu sifati va salomatlik o‘rtasidagi bog‘liqlikni aniqladi. Tadqiqotchilarning ta’kidlashicha, REM uyqusi bosqichida ko‘proq vaqt o‘tkazish demensiya, yurak yetishmovchiligi va Parkinson kasalligi kabi 83 ta xastalik xavfini kamaytiradi. Shuningdek, chuqur uyqu fazasining ko‘pligi ikkinchi turdagi qandli diabet va og‘ir depressiya xavfini pasaytirishi ma’lum bo‘ldi. Ushbu natijalar uyqu gigiyenasining inson salomatligini saqlashdagi muhim o‘rnini yana bir bor tasdiqlaydi.