Xbox GTA 6 o‘yinini striming qilish huquqini qo‘lga kiritdi

Xbox bosh direktori Asha Sharma xodimlarga Microsoft kompaniyasi Grand Theft Auto VI o‘yini bo‘yicha boshqa platformalar taklif qila olmaydigan yangi loyihani tayyorlayotganini ma’lum qildi. Manbalarga ko‘ra, gap o‘yinni striming qilish huquqini qo‘lga kiritish haqida bormoqda. Ushbu kelishuv Xbox foydalanuvchilariga o‘yinni bulutli texnologiyalar orqali to‘g‘ridan-to‘g‘ri translyatsiya qilish imkonini beradi. Bu qadam kompaniyaning o‘yin sanoatidagi mavqeini sezilarli darajada mustahkamlashi kutilmoqda.